學而知不足

先旨聲明，我不是那種渴求知識的人，
甚至有些時候會顯得無知兼白痴，
然而，一個受過教育的人，
自信自滿自以為是自吹自擂自知之明自我檢討後，
卻發覺自己肉體如塵土，
及腦部智慧之有限。

有人云，學習如上癮，你讀得愈高，你愈不能自拔，
這種情況主要可分兩類，

一，乃為了符合生活所需，
當現今幼稚園的學生的所謂 profile 都比我這所謂大學生的厚的時候，
你讀多幾個 master 、degree 、high dip、再唔係學哩樣學果樣拎張證書都好過無的心態下，
讀書學農夫首《學海無涯》話齍：「讀書為左識字、為張沙紙、定係為左你老媽子？」，
計我話，更多係為左波士。

二，充實自己心靈，無任何利益或者目的，純粹為左想讀而無啦啦走去讀一ｄ人地覺得匪夷所思的課程。嗱嗱嗱，千祈唔好以為甘樣係好「清高」，特別係香港哩個到處都出現歧義ge 社會，我地唔可以單單用一個詞就把一種行為給概括，就好似明明係藝人都用疑似藝人，就可以知道語言發展到而家已經朝住模糊性的方向走，所以現在係香港搞語文教育係極其困難，各位老師(包括自己) 都要加油。咁哩，人到某一個年紀就會因為不要年少氣盛又或者芳華不再而開始質疑自己ge 意義及價值，當然一個人ge 價值除左佢ge 身家、私屬樓宇、保險單、股票等等之外，仲包括左佢ge 精神世界同學識，當然，後者對於香港人來說已經和前者掛鉤，所以如果你睇到哩一到，你仲唔知我係度 up 乜 q 又或者你有爆粗 ge 衝動，你可以離開哩個 blogger ，謝謝。

咁我哩，近來由於正處於精神更年期哩段 period ，我開始思考返究竟自己的價值在哪兒 ? 然後，歸根究底，「我」的誕生源自歡愉，但這又代表了什麼 ? 由於不明白，我忽然感到自己的無知，於是我開始覺得自己要學多d 野…………我想學好多好多以前想學但無機會學而將來未必有時間學ge 野………好多好多………

朋友，或者你唔係我朋友，但都無所謂，你有無曾經有哩種腦袋空空的感覺，讀左20多年書最後發覺自己一d 都唔充實，而且仲有d 無知 ，如果有ge 話，請跟我分享一下。