今天看報紙，又一宗老師自殺的新聞了。
壓力大，教書在這個年代已不是優差，特別是處於這個教改(?!...愈改愈衰！.......)的年頭，香港的教育畢竟還是.....一潭死水。
究竟這個社會是不是開始本末倒置？我愈來愈覺得香港的教育已經走向病態，一味要勁、要多、要通才、要資優、要d 細路聽教聽話、要多獎、要識多國語言、要出口成文、要........有病沒有?當一個小一生連is 、am、are、you、we 、they 都吾知係o羊東東果陣，學校竟然叫佢作故仔，你話離奇不離奇、怪異不怪異？(不是說笑，是真人真事)。結果當學生寫到不知所謂時，受苦的總是老師。
老師慘，慘在佢不只是教書，仲要做行政，有時仲要做埋社工。
老師慘，慘在佢ge責任比誰都大，成班細要佢教，而另外又怕飯碗不保。
老師慘，慘在連政府都開始質疑佢地ge 專業，教人之餘，自己可能都要日日上堂比人教點樣pass 過基準試。
話老師慘，其實學生仲慘。
識彈琴英文法文朗誦書法繪畫唱歌....甘又點，冇自由、有自我先係最可悲。
我細個o羊到吾識，但我好開心啊。因為我可以做自己鍾意ge 野，而阿爸阿媽只會教我讀書還讀書、但吾可以太沉迷，點都要比時間自己休息。多謝佢地這句，今天我可以生存到現在。
如其上d連個名都模稜兩可ge通識，不如加堂《玩樂與人生意義》更來得實際。當然不是教人打機，而係話比人聽玩樂並非絕對喪志，讀書好也不代表你必是聖賢。讀書同玩樂不是天敵，而是相輔相成的伙伴。「中庸之道」，大家明架啦。
接受左十多年的香港教育，我看到了：八股文的教育還是根深蒂固。教改成功，談何容易？只怕愈改愈糟，連問題係O羊都沒看清，教改從何入手？
