一切都是天意

我是很羨慕那些付出和得到成正比的人，
因為他們的遭遇，總是教他們能持有樂觀的態度，
因著努力的成果而感到滿足。

雖然說滿足不滿足是一種很個人主觀的想法，
但一旦付出了超過一百分的心力，卻連應得的10分結果也拿不回時，
再樂觀、再習慣自欺欺人的人，也難免會感到沮喪。

昨天是實習的 last day ，很多學生問我會不會再回這所學校教，
我還是那一句：那得看你們的表現。
如果連收功課這些微小的事也要花這麼多時間去完成的話，
我真的不知道，教和學的意義在哪兒。
當然，這是預期之內的事，但還是感到無奈。
然而，最窩心的還是學生的反應，
最後一堂大家都用很精神的聲音叫一聲：「郭老師，早晨。」
然後又用鼓勵的聲音跟我道別，寫問卷時又一臉認真，
還有些學生特地貼了一張貼紙相給我，
放學後又特地走來跟我談話，問我回不回來教，又說不捨得我（我天真地相信是真話），
雖然沒有什麼實質的東西，
但我還是很感動。
我要的東西很簡單，即使你們做不到，我還是會做好我應做的本份。

miss kwok 就是一個這樣的傻人。

________________________________________

好人難做

在旺角街頭被 2 個問卷調查員前後圍攻，
無法，諗住頂籠咪比你問 2 、3 分鐘，
本住幫得就幫 ge 心態，幫你做個調查lor ，
點知係度吹水、查家底，
我心諗你問咁多黎做咩，好啦，問左我十幾分鐘，
我以為走得。
點知走左個經理出來，係咁up 佢ge 銀行儲蓄plan ，
由於之前個調查員話要聽埋哩個plan intro 先算計一個訪問case，
我見你企得咁辛苦，我又要等人食飯，咪諗住幫下你lor ，
點知佢廢up 左 十幾分鐘，然後無啦啦叫我登記，
痴線架，我話聽無話要登記lor ，
唯有好禮貌咁講 : 「其實我對你個lplan 一d 興趣都無，係你個職員話要聽埋個intro 先計一個訪問，我先幫下手聽下……」
點知佢勁大反應，話 : 「無興趣 ? 你唔早d 講……」我諗佢下一句一定想講 : 「浪費我d 時間」

我即刻興曬，我未試咁唔客氣 :

「我一早同你同事講左我無興趣，純粹幫佢做訪問同聽 intro ，而你剛才係度推介亦都無問我有無興趣，我做左個問卷調查，同埋浪費左咁多時間係度聽你講野，只不過係想幫你地計 quotas……你要我登記，我梗係有權唔登記……我覺得有問題果個係你唔係我。」

喂，你唔妥都唔好咁ge 態度啦。我今次真係好心，結果無奈啦，搞到自己興曬。

我決定以後係街頭都唔會理任何訪問、調查、推廣、咩愛護動物果d 、綠色和平果d 、派傳單 (痴 (痴線，我有次唔覺意接左一張傳單，即係有個女人追住我，成堆傳單拋落我身上，你而家灑溪錢咩 ! )……我唔會再心軟停低，真係好人無好報，仲要比人當我運吉。